BC3. Basque centre for climate change – Klima aldaketa ikergai

  1. Home
  2. Press Area
  3. Press releases
  4. PO_NEKAZARITZAREN BENETAKO KOSTUA KLIMA ALDAKETAREN TESTUINGURUAN

From January 2016 onwards all the BC3 News are available at news.bc3research.org.

Please find copied below the News previous to January 2016

PO_NEKAZARITZAREN BENETAKO KOSTUA KLIMA ALDAKETAREN TESTUINGURUAN

Lurrari ez zaio ateratzen ahal den etekin guztia Ikerbasque-ko, Basque Centre for Climate Change-ko (BC3), eta Cambridge Unibertsitateko Unai Pascual ikerlariak eta ingurumen-ekonomialari talde batek egindako ikerlan berri baten arabera. Ikerketa hau SCIENCE aldizkarian argitaratu zan uztailaren 5ean.

SCIENCE aldizkarian argitaratu den ikerketaren (2013ko uztailaren 5ean) arabera, lurraren erabilera nekazaritza-merkatuen arabera soilik zehazteak ingurumen kostu handi samarrak ekar diezaieke pertsonei. Nahiz eta ikerketak Erresuma Batua ikergai hartu duen, metodo berberak aplika daitezke munduko edozein tokitan eta emaitza berdintsuak lortu herrialde askotan. Europako toki gehienetan nekazaritzak menderatzen du lurraren erabilera. Europar Batasuneko nekazaritzaren urteko balio guztiaren ia erdia laguntza-finantzario publikoan oinarritzen da, % 70etik, % 40etik eta % 30etik gora Irlandan, Erresuma Batuan eta Espainian, bakar batzuk aipatzeagatik.

Ikerketa-taldeak, East Anglia-ko Unibertsitateko (Erresuma Batua) Ian Bateman irakaslearen zuzendaritzapean, Erresuma Batuan laguntza publiko horrek duen errentagarritasunari so egin zion. Horretarako, lurraren erabilerari buruzko milioi erdi erregistro erabili ziren, eta gaur egungo lurraren erabilera-ereduek gizartearentzako balio eskasa dutela aurkitu zuen, diru-laguntzen mailari erreparatzen badiogu. Ikerlanak politika publikoak birbideratzen badira egoera nabarmen hobe dezakela aditzera eman zuen. Nekazaritzarako diru-laguntza gisa dauden begien bistako finantza-kostuekin batera, ikerketa-taldeak klima-aldaketak eragindako egungo eta etorkizuneko nekazal lurren erabileraren balio ekonomikoa kalkulatu zuen, eta baita ere elikagai-produkzioaren balioa eta lotutako ingurumen-inpaktuak —klima-aldaketaren erantzule diren berotegi-efektuko gasak eta jendearentzako atsedenlekuak barne—. Halaber, nekazaritza intentsiboak sortutako espezie basatien eta biodibertsitatearen beherakadaren eragina kontuan hartu zuen. Etorkizunari begira, ikerketak beste lurraren erabilerak aztertu eta  2060. urtera arteko hainbat egoera ebaluatu zituen.

Ikerlanak frogatu duenez, ezin bestekoa da ekosistema-zerbitzuak erabaki-hartzeetan kontutan hartzea, ingurune naturalarekin lanean aritzeagatiko onura potentzialak guztiz erabiltzea eta prozesu biofisikoak azpi-berritzea. Hala ere, erronka praktikoak ezinbestekoak direla aitortzen du ikerlanak. Erronka nagusietariko bat nekazariek gizartearen onurarako lurraren erabileraren aldaketetan parte har dezaten bermatzeko mekanismoa da. Ikerketa-taldeak Europar Batasuneko (EB) Nekazaritzako politika bateratua (NPB) erreformatzea aholkatzen du. NPBa Ekosistema Zerbitzuengatiko Ordainketa mekanismo gisa bat egingo balitz, nekazariek funtsezko ekosistema-zerbitzu sorta eskaintzeagatik (klima-aldaketa leuntzea barne, berotegi-efektuko gasen murrizketak direla medio, ura arautzearen, eta atsedenlekuen eta biodibertsitatearen kontserbazioaren bidez) saria jasoko lukete.

Unai Pascual ikerlariak adierazi zuen: «Ikerlan honek nekazaritza intentsiboak Europan duen ohiko laguntzek gizartearentzako ez dutela behar beste funtzionatzen frogatzen du. Horren ordez, politikak errealitateari egin behar dio aurre; izan ere, nekazaritza-merkatuek zama gehiegi dute eta, ondorioz, behar ez diren kostuak dakarzkio gizarteari ingurumen-eragin moduan, askotan itzulezinak, biodibertsitatearen galera, besteak beste». «Kostu horiei balio bat eman diegu eta Europan nekazaritza-politikek menderatzen dituzten merkatuak aldatzen ez badira, landa inguruak gizarteari eskaintzeko dituen onurak txikiagoak izango dira (gaurko eta etorkizuneko belaunaldientzat)». «Froga eskuan dugula, ezinbestekoa da lurraren erabilerari buruzko politiken norabidea guztiz aldatzea, landa ingurunetatik ahalik eta etekinik handiena lortzeko, berotegi-efektuko gasak gutxituz, uraren kutsadura murriztuz, atsedenlekuak eta hiriko berdeguneak suspertuz eta biodibertsitatea hobetuz». «EBren Nekazaritzako politika bateratuak naturarekin elkarlanean ez aritzeagatiko kostuaren kontu eman behar dio gizarteari. Bada garaia nekazariak saritzeko, gizarteak estimu handitan dituen funtsezko ekosistema-zerbitzuak bermatzeagatik. Nekazariak gure landa inguruaren administratzaile izan daitezke, horrela guk gizarte moduan hurrengo belaunaldiei lur osasuntsuak utz diezazkiegun».

Ikerbasqueko Unai Pascual ikerlaria «Climate and the Natural Environment» (Klima eta Ingurune Naturala) ikerketa-estrategiaren zuzendaria da Basque Centre for Climate Change (BC3) zentroan eta irakasle titularra da Cambridge-ko unibertsitatean. Ikerketa hau finantzatu dute: UK National Ecosystem Assessment-ak (NEA, Erresuma Batuko Ekosistemen Ebaluazio Nazionala) eta bere segimendu-programak (Erresuma Batuko Ingurumen, Janari eta Nekazaritza Gaientzako Sailak [DEFRA] finantzatuta biak), Eskoziako, Galeseko eta Ipar Irlandako administrazio ordeztuak, Natural Environment Research Council-ak (NERC, Ingurune Naturalaren Ikerketarako Kontseilua) eta Economic and Social Research Council-ak (ESRC, Ikerketa ekonomikoa eta sozialerako Kontseilua) eta Economic and Social Research Council-aren (SEER) proiektuak.

«Bringing ecosystem services into economic decision making: Land use in the UK» Egileak: Bateman, Ian J., Harwood, A., Mace, G.M., Watson, R., Abson, D.J., Andrews, B., Binner, A., Crowe, A., Day, B.H., Dugdale, S., Fezzi, C., Foden, J., Haines-Young, R., Hulme, M., Kontoleon, A., Lovett, A.A., Munday, P., Pascual, U., Paterson, J., Perino, G., Sen, A., Siriwardena, G., van Soest D. eta Termansen, M. Science aldizkarian argitaratua 2013ko uztailaren 5ean.

pdf PO_SCIENCE ARTIKULUA_NEKAZARITZAREN BENETAKO KOSTUA

 

 







[X]
We use cookies of our own and of third parties to improve our services and to be able to offer you, by means of web browsing analysis, the best options.
If you continue browsing, we assume that you agree to their use. For further information, please click here.