BC3. Basque centre for climate change – Klima aldaketa ikergai

-Garrantzi handiko aurrerapenak egin behar diren Parisko Akordioaren araudiaren arapenari dagokionez. Izatez, araudi horrek definituko ditu Akordioa ezartzeko arauak eta modalitateak, eta 2018an jarri beharko da indarrean. Haatik, arlo horretan aurrerapen mugatua izan zen.
-Goi-bileraren barruan, onartu zen 2020 aurretik asmo handiagoko jardunak gauzatzeko beharra, baita ebaluazio-prozesua 2018an definitzearen garrantzia ere.
-Klimaren eta generoaren arloko ekintza-plana eta tokiko erkidegoetarako eta herri indigenetarako plataforma onartu ziren, eta nekazaritzaren arloan aurrerapen handia egin zen.
-Agenda ofizialarekiko modu paraleloan, garrantzi handiko adierazpen politikoak egin ziren Parisko Akordioa babesteko. Estatuetakoak ez diren agenteek (hirietakoek, eskualdeetakoek, enpresetakoek eta gobernuz kanpoko erakundeetakoek) klima-ekintzaren arloko garrantzi handiko konpromisoak eman zituzten aditzera, eta horien egitekoak gero eta garrantzi handiagoa du negoziazio-prozesuaren barruan.
-Ameriketako Estatu Batuetako ordezkaritza alternatiboak, “We are still in”• leloarekin, hiriak, eskualdeak eta enpresak bildu ditu eta Ameriketako Estatu Batuetako Barne Produktu Gordinaren % 50etik gora batzen du. Ordezkaritza alternatibo horrek protagonismo handia izan zuen eta Parisko Akordioarekiko erabateko konpromisoa eta babesa erakutsi zuen.