A partir de Enero de 2016 todas las Noticias de BC3 estarán disponibles en news.bc3research.org.
Las Noticias anteriores a Enero 2016 se muestrran a continuación
Klima aldaketaren Dohako gailurra
Egileak: Prof. Anil Markandya ( BC3ko Zuzendari Zientifikoa) eta Unai Pascual (Ikerbasque Research Professor Bc3 an)
Froga zientifikoek adierazten dute tenperatura errekorrak hausten jarraitzen dutela, poloetako izotza espero baino bizkorrago urtzen ari dela eta itsas maila hainbat proiekziok aurreikusitakoa baino gehiago goratzen ari dela. Gainera, planeta ez da bilakaera eraginkorrik lortzen ari mende amaieran batez besteko tenperatura globalaren igoera 2 gradu zentigradoren azpitik atxikitzeko xedean. Aurreikuspen zientifikoen arabera, munduko egungo karbono igorpenak geldiarazten ez badira, munduko tenperaturek 4 eta 6 gradu bitartean egingo dute gora. Halaber, zientziak ohartarazi digu berotze globalaren eragin fisikoak berehalakoak direla eta, beraz, arazoari erantzuteko beharra geroz eta larriagoa dela.