Hazkunde Berdea Bizkaian
BBK Fundazioak dituen helburuen artean kultura sustatzea eta garatzea eta pertsonen ezagutza eta prestakuntza zabaltzea daude. Hori dela eta, 2018. urtean Euskal Herriko Unibertsitateak (UPV/EHU) eta Klima Aldaketa Ikergaik (BC3) sortutako Low Carbon Programa babestea erabaki zuen.
2018ko Lan Ildoa: Hazkunde Berdea Bizkaian
2018. urteko lan ildoak 2 master amaierako lan garatzea zuen helburu, eta baita ere Bizkaian hazkunde berdea aztertuko zuen txosten baten prestaketa.
Azkenean, hiru master amaierako lan babestu dira, EHU eta BC3ko ikerlariek batera zuzendutakoak eta 2018ko irailean defendatu zirenak. Egindako lanak hurrengoak dira:- Sandra El Debal Duque. “Exposición de la economía vasca a una transición hacia una economía baja en carbono”. Zuzendariak: Alberto Ansuategi (UPV/EHU) eta Iñaki Arto (BC3).
- Ion Fernández Salaberria. “Evolución de la pobreza energética durante la última recesión económica”. Zuzendariak: Mikel González-Eguino eta Xaquín García-Muros.
- Estibaliz Treviño Gil- García. “Valoración económica de los servicios de los ecosistemas para la gestión sostenible de la Reserva de la Biosfera de Urdaibai: impactos y adaptación al cambio climático”. Zuzendariak: David Hoyos (UPV/EHU) eta Elisa Sainz de Murieta (BC3).
Bestalde, “Hazkunde Berdea: Bizkaian ekonomia jasangarrirako trantsizioa kudeatzen” izeneko txostena prestatu dugu. Txostena 2019ko urtarrilean Bilbon aurkeztu zen.
Txostena hurrengo estekan eskura daiteke
2019rako Lan Ildoa: Klima-aldaketaren eraginetara egokitzapena Bilbon
2019rako onartutako lan programan, Low Carbon Programako ikerlariek “Klima-aldaketaren eraginetara egokitzea Bilbon: erronkak eta aukerak” txostena osatuko dute. Honek klima aldaketaren ondorioz Bilbon aurre-egin beharreko mehatxu nagusiak izango ditu aztergai, baita honek eskaini ditzakeen aukerak ere.
Horretaz gain, EHUk eta BC3k hirietan klima aldaketa eta egokitzapenaren inguruko jardunaldi akademikoa antolatuko dute urtero burutzen den Udako Unibertsitatearen baitan (ikus Summer School-eko aurreko edizioak). Jardunaldian klima aldaketa eta hirien inguruko gaian adituak diren mundo mailako ikerlariek hartuko dute parte, hiriak klima-aldaketa politiketan hartzen ari diren rola aztertzeko asmoz.
Azkenik, lortutako emaitzak Bilbon jardunaldi berezi batean aurkeztuko dira, bertan eragile desberdinak bilduko direlarik, hala nola finantza erakundeak, BBK Fundazioa kasu, unibertsitateak (UPV/EHU, Deusto, MU), zentro teknologikoak, enpresa pribatuak eta erakunde publikoak. Jardunaldiaren helburua ikerketaren emaitzak partekatzea izango da, identifikatutako aukerak balioetsi eta hauei erantzuna emango dien elkarlana bultzatzea.
Erakundeak:
Universidad del Pais Vasco – Euskal Herriko Unibertsitatea
Basque Centre for Climate Change (BC3)
Koordinatzaileak:
Alberto Ansuategi (UPV/EHU & BC3)
Ibon Galarraga (BC3)
Elisa Sainz de Murieta (BC3 &LSE)
