BC3aren ikerketa-ildoen eta ikerketa-taldeen antolamenduak helburu orokorrei erantzuten die, eta, horrela, Parisko Akordioaren ondoren, klima-aldaketaren aurkako borrokaren ondoriozko xedeak, erronkak eta eskariak bete nahi dira.
2014-2017rako BC3aren esparru estrategikoak lau ikerketa-ildo nagusi zituen (Low Carbon, Klima eta natur ingurunea, Osasuna eta klima eta Klima-politika); alabaina, 2018-2021rako Plan Estrategikoan, ikerketa bost ikerketa-ildo nagusitan eta zeharkako bi gaitan antolatuta dago.
Bilakaera horren arrazoia da BC3aren diziplina arteko giza kapitala hobe ustiatzea eta, bestalde, zentroak ezagutza zientifiko berriaren baterako sorkuntzari egiten dion ekarpena optimizatzea eta hainbat mailatako politikak prestatzeko garrantzizko laguntza zientifikoa finkatzea —barnean hartzen duena gizartearen eta politikaren prozesuak ulertzea eta lotzea eta eragileen arteko ohiko komunikazioa sustatzea, gobernantza-maila guztietan, Parisko Akordioaren eta Garapen Iraunkorreko Helburuen ondorengo aldian—.
Klima-oinarriko ikerketa-ildoa
S.H. Faria Ikerbasqueko irakasleak koordinatuta, ikerketa-ildo honen ardura da 1. helburua eta haren bi jarduerak ezartzea. Bi ikerketa-talde hartzen du barnean: Kriosfera ikerketa-taldea, 1. helburuko 2. jardueraren ezarpena zuzenduko duena, eta Modelatze klimatikoa ikerketa-taldea, klima-erregistroen analisitik (1. helburua – 1. jarduera) klima-ereduaren prozesuetara.
GIGAKU-TGU Secretariat zein IzotzaLab ikerketa-ildo horren mende daude. Oro har, aurreko ikasgaietatik eta metodologietatik ikastean datza, baita balizko klima-agertokiak gainerako garrantzizko helburuekin partekatzean.
Karbono urriko gizartea ikerketa-ildoa
M. Gonzalez BC3ko irakasleak koordinatuta, ikerketa-ildo honen ardura da 2. helburua eta haren bi jarduerak ezartzea. Bi ikerketa-talde hartzen du barnean: Ebaluazioko/prozedurako tresnak ikerketa-taldea, 1. jarduera egingo duena, eta Karbono urriko ekonomiaren eta garapen iraunkorreko helburuen elkarreragina ikerketa-taldea, 2. eta 3. jarduerez arduratuko dena. Ikerketa-ildoak 1. Proiektu Estrategiko Integratzailean lagunduko du (6. helburua), baita 3. helburuko 6. jardueran ere.
Lurreko ekosistemen ikerketa-ildoa
M.J. Sanz Ikerbasqueko irakasleak koordinatuta, ikerketa-ildo honen ardura da 3. helburua ezartzea. Hiru ikerketa-talde hartzen du barnean, alderdi hauekin lotzen den ikerketa garatzen dutenak: prozesu ekologikoen ulermena, Prozesu ekologikoak ikerketa-taldea, 1. eta 2. jarduerez arduratzen dena, eta Nekazaritza, lurraldearen erabilera eta basoak ikerketa-taldea, 3., 4., 5. eta 6. jarduerez arduratzen dena.
Egokitzapen-laborategia ikerketa-ildoa
M. Neumann Ikerbasqueko irakasleak koordinatuta, ikerketa-ildo honen ardura da 4. helburua ezartzea. Lau ikerketa-talde hartzen du barnean: Egokitzapena ikerketa-taldea, 4. helburu orokorraz arduratuko dena (esposizioa eta zaurgarritasuna, egokitzapeneko prozesuak eta dinamikak eta egokitzapenaren ekonomia), eta, hartara, lagungarria izango dena 2. helbururako (zehazki 3. jarduerarako) —horrez gain, 3. helburuan egokitzapenarekin lotzen diren zenbait alderdi ere jorratuko dituzte—; eta Osasuna eta klima ikerketa-taldea, ekarpen handia egingo diena 4. helburuari (zehazki 4.2. jarduerari) eta 6. helburuko 1. Proiektu Estrategiko Integratzaileari.
Giza eta natur sistema elkartuen eredu integratuak prestatzea ikerketa-ildoa
F. Villa Ikerbasqueko irakasleak koordinatua, ikerketa-ildo honen ardura da 5. helburua eta 2 Proiektu Estrategiko Integratzailea ezartzea. Ikerketa-ildo hori lagungarria izango da, halaber, 1. Proiektu Estrategiko Integratzailerako, 3. helbururako (4., 5. eta 6. jardueretarako), eta 2. helburuko jarduera batzuetarako. Bi ikerketa-talde hartzen ditu barnean: Eredu Integratu eta Ekoinformatika ikerketa-ildoa, hodei konputazioan oinarritutako azpiegiturak eta inteligentzia artifizialeranzko datu eta modeloen trantsiziorako neurriak ezartzeko erantzule, eta Giza eta Natur sistema ikerketa-ildoa, politikari zuzendutako produktuak garatzeko erantzule, Nazio Batuen Garapen Iraunkorraren Helburuekin bat eginez
Zeharkako gaiak
Klima-politikako ikerketa-ildo zaharra zeharkako gai (ZG) bihurtu da 2018-2021 Plan Estrategikoan (Klima-politika), eta beste zeharkako gai bat ere sortu da (Gobernantza). Ikertzaile seniorrek zuzentzen dituzte zeharkako gaiak (Gobernantza ZGa U. Pascualek eta Klima-politika ZGa I. Galarragak/M.J. Sanzek).
