BC3, Basque Centre for Climate Change – Klima Aldaketa Ikergai erakundea irabazi asmorik gabeko elkarte gisa sortu zen 2008ko apirilaren 17an. Hauek dira elkarteko kideak:
Ihobe:
ingurumeneko agentzia publikoa, Eusko Jaurlaritzaren Ingurumen, Lurralde Plangintza eta Etxebizitza Sailaren mende dagoena. Agentzia horren xedea da Eusko Jaurlaritzari laguntzea ingurumen-politikak garatzen eta Euskal Autonomia Erkidegoan ingurumen-iraunkortasuneko kultura hedatzen. Era berean, agentziaren jarduerak berariaz diseinatu dira arlo hauek jorratzeko: airearen kalitatea, lurzoruak, hondakinak, natura-ingurunea eta elkarte publiko-pribatuak.
Euskal Herriko Unibertsitatea (EHU/UPV): Euskal Herriko unibertsitate publikorik handiena da, 67 lizentziatura eskaintzen ditu jakintzaren arlo guztietan, baita 103 master-programa ofizial, 44 diploma profesional eta 71 doktoretza-programa ere.
Ikerbasque: Eusko Jaurlaritzak 2007an eratu zuen Zientziarako Euskal Fundazioa da. Fundazio horren helburua da euskal sistema zientifikoa indartzea —ikertzaileak erakarri eta finkatuko dituzten programen bidez— eta ikerketa dinamizatzea.
BC3aren kudeaketa-eredua: Gobernantza eta Operazioak
