BC3. Basque centre for climate change – Klima aldaketa ikergai

  1. Hasiera
  2. Nor gara
  3. Gardentasuna

Gardentasuna eta iraunkortasuna

BC3 Basque Centre for Climate Change – Klima Aldaketa Ikergai zentruaren ardura, gure metodoen gardentasunaren eta gure erakundearen erantzukizunaren bitartez, publikoaren konfiantza eraiki eta sustatzea da. BC3-k, irabazi asmorik gabeko elkarte den aldetik, informazio irekia eta hurbilerraza eskaini nahi du, baita gure jarduerei eta ekintzei buruzko datuak ere.

Inbertsio publikoak arduraz kudeatzeko konpromisoa hartua dugu eta aldi berean erantzun egiten diegu zientzian eta gizartean hain bizkor gertatzen diren aldaketei. BC3-k erregulartasunez bere prozedurak aztertzen ditu eta prozesuak eta etengabeko hobekuntzaren oinarrizko printzipioan berresten da. Webgune honetan gure estrategiei, finantzaketari, gobernu korporatiboari eta kontratazioari buruz informazio nagusia agertzen da.

 

INFORMAZIO ESTRATEGIKOA

BC3 Basque Centre for Climate Change – Klima Aldaketa Ikergai irabazi asmorik gabeko elkarte bat da, 2008an sortua eta Eusko Jaurlaritzako Elkarteen Erregistroan inskribatua AS/B/14076/2008 zenbakiarekin.

Deskargatu gure pdf-a BC3-ren estatutuekin.

Helburu eta funtzio estrategikoak:

BC3 Eusko Jaurlaritzak eta Euskal Herriko Unibertsitateak sustatutako erakundea da, klima-aldaketari buruzko ikerketa sustatzeko. BC3-ren helburu nagusia da diziplina anitzak biltzen dituen zientzia honetan ezagutzaren sorkuntza bultzatzea, baita goi-mailako prestakuntza duen ikertzaile-talde bat eratzea, helburu nagusitzat izango duena bikaintasuna ikerketan, prestakuntzan eta dibulgazioan. Gure jarduerak lau edo bost urteko Plan Estrategikoek gidatzen dituzte. Oraingo 2018-2021 planaren helburu estrategikoak hemen topatuko dituzu.

Hemen aurki daitezke BC3-ren ikerketa-programa nagusiak.

Urteko txostenak

BC3-ren urteko txostenak hemen aurki daitezke, zentrua bera eta bertako lan taldea, jarduerak, adierazle nagusiak eta finantzaketa-iturriak azaltzen dira.

 

GOBERNANTZA

BC3-ren Batzar Nagusia Ikerketa zentruaren kudeaketa-batzorde nagusia da, dagozkion estatutuek ezarritakoaren arabera, eta aurrerago azaltzen den bezala, bertako kide elkartuek osatua da. Bigarren kudeaketa-batzordea, administrazioaz arduratzen dena, Zuzendaritza Batzordea da, eta hauek dira bere oraingo kideak:

- IKERBASQUE

Adolfo Morais jaunak ordezkatua Elkarteko lehendakari gisa eta Fernando Cossio jaunak Zuzendaritza Batzordeko kide gisa.

- UPV/EHU

Arturo Muga jaunak ordezkatua idazkari eta altxorzain gisa eta José Luis Martín jaunak Zuzendaritza Batzordeko kide gisa.

-IHOBE

Jesús Losada jaunak ordezkatua Elkarteko lehendakariorde gisa.

Hemen ere aurki ditzakezu gobernantzari buruzko informazioa eta dagokion organigrama.


Ordainsariak, erretiratze kalte-ordainak, bateragarritasun-ebazpenak eta aktiboen eta iardueren deklarazioa.

BC3-k ez die ordainsaririk ematen bere kide elkartuei, bere estatutuetako 18. artikuluan adierazten den bezala.

BC3ko kide elkartuak administrazio publikoan postuak betetzen dituzten pertsonek ordezkatzen dituzte, eta instituzio publikoen barruan haiei dagozkien erantzukizunei, ordainsariei eta bestelako betebeharrei lotutako erregulazioak ondoko esteka hauetan aurki daitezke: ordainsariak, erretiratze kalte-ordainak, bateragarritasun-ebazpenak eta aktiboen eta jardueren deklarazioa.

 

FINANTZA-EGOERAK

Deskargatu itzazu gure finantza-egoerak eta auditoretza-txostena: 2018.

Gure aurreko finantza-egoerak eta balantze auditatuak auditoritza txostenarekin batera ere bertan dituzu: 2017| 2016| 2015| 2014| 2013| 2012|

Aurrekontuak: 2019. Aurreko urteko aurrekontuak finantza-egoeren txostenetan aurkitu daitezke.

Higiezinen aktiboak: BC3ak ez ditu.

Hitzarmenak: 2018| 2017| 2016| 2015

Urteko dirulaguntzak, subentzioak eta beste dirusarrerak:2018| 2017| 2016| 2015

 

KONTRATAZIOA

BC3-k legeria nazionalari eta eskualdekoari men egiten die kontratazio publikoari dagokionez eta kontratazio publikoko politika bat ezarri du kontratazioko kontabilitate-prozesuak ziurtatzeko. Gure kontratatzaile-profila ere bisitatu dezakezu oraingo eta aurreko kontratuei buruzko informazio gehiago nahi izanez gero.

 

KALITATEA

Zerbitzu kalitatearen informazioa: ez du aplikatzen.


BERDINTASUNA

2017an BC3k 2017-2020 aldirako Genero Ekintzako Plan (GEP) bat eraikitzeko konpromisoa hartu zuen. Planaren helburu nagusia generoaren arloan egitura orekatu bat lortzea zen, 2020aren amaierarako lortu beharrekoa. Horretarako, GEPek zenbait ekintza ezarri zituen, Operazio Gerenteak kudeatu dituneak, Genero Orekarako Taldearen laguntzarekin eta baita ere Kudeaketa Batzordearen ikuskaritzapenarekin. Lan horren ondorioz, Genero Berdintasunerako 2017-2020 Plana sortu zen.

2020tik aurrera eta datozen hiru urteetan, BC3k Berdintasunarekiko konpromisoari eusten dio, ikerketa-zentroa nazioarteko erreferente gisa ezartzeko espirituan, ez soilik termino zientifikoetan, baita pertsonen kudeaketan ere (Giza Baliabideen estrategiarekin batera).
2019an, BC3k Berdintasun Batzorde bat (BB) sortu zuen, eta horrek barne-azterketa eta -hausnarketa prozesu bat abiarazi zuen hurrengo Berdintasun Plana diseinatzeko. BBk bi etapatan egituratu zuen lana: egoeraren hasierako diagnostikoa, funtsezko dokumentuak aztertuz, lan-saioak antolatuz eta langile guztiei inkesta bat eginez; Genero Berdintasunerako 2020-2023 Plana garatzea. Planak 4 helburu estrategiko ditu, lehentasunen arabera antolatuta:

 1 - Balizko jazarpen-eta-indarkeria kasuen aurrean segurtasuna bermatzea;
 2 - Generoaren ikuspegia zeharkako bihurtzea BC3ko antolamendu-kulturan;
 3 - Emakumeen eta gizonen arteko berdintasuna sustatuzen duen ikasketa politika bat garatzea eta baita ere bultzatzea;
 4 - BC3ren ikerketetan genero eta berdintasun printzipioak txertatzea.

2020-2023 urteetan, BBa aldizka bilduko da jarraipen- eta ebaluazio-sistema bat ezartzeko, ezarritako adierazleen betetze-maila neurtzeko.

  

INFORMAZIO GEHIAGO

BC3-n,gure ekintza eta emaitzen inguruko informazio irekia eta eskuragarria eskeini nahi dugu. Informazio osagarririk behar izanez gero, jar zaitez gurekin harremanetan administration@bc3research.org helbidean.

 

 

 







[X]
Geure cookieak eta hirugarrenenak erabiltzen ditugu gure zerbitzuak hobetzeko eta nabigazioa aztertuz aukerarik onenak eskaintzeko.
Nabigatzen jarraitzen baduzu, haiek erabiltzea onartzen duzula ulertzen dugu. Informazio gehiago nahi izanez gero, egin klik hemen.